Tá 9 gcomhpháirtí ó 7 dtír
i gcomhar ar lingvo.info ó mhí na Nollag 2012.
Eŭropa Esperanto-Unio
An Bhruiséil, an Bheilg
Is é atá san EEU scátheagras Eorpach na gcumann náisiúnta Esperanto i ngach Ballstát AE chun a gcuid oibre a chomhordú ag an leibhéal Eorpach. Tá faoin EEU féiniúlacht Eorpach a neartú i measc na saoránach AE, i gcomhcheol le féiniúlachtaí náisiúnta agus réigiúnacha; cearta teanga agus éagsúlacht teanga a chur chun cinn san Aontas Eorpach agus foghlaim teangacha i gcoitinne a fheabhsú.
Studio GAUS
Beirlín, An Ghearmáin
Tá taithí ag Gníomhaireacht na Meán Nua i dtairseacha ilteangacha a fhorbairt ag gach eochairchéim, idir fhorbairt coincheapanna, aitheantas corparáideach, suímh ghréasáin a dhearadh chun na gníomhaíochtaí sin a chomhordú, chomh maith le cláir agus tionscadail clár-reáchtála. Is ar réimsí an oideachais agus na ríomhfhoghlama is mó a dhíríonn sí.
Edukácia@Internet
Partizánske, An tSlóvaic
Tacaíonn an eagraíocht idirnáisiúnta E@I leis an bhfoghlaim idirchultúrtha ar an idirlíon. I gcomhar le heagraíochtaí eile oibríonn sí ar shuímh ghréasáin ilteangacha éagsúla, a bhíonn ag plé go háirithe le ríomhfhoghlaim agus oideachas, m.sh. lernu!, slovake.eu, deutsch.info, monda.eu srl. Fairis sin eagraíonn E@I tionscnaimh oiliúna éagsúla, go háirithe i réimsí na dteangacha agus na dteicneolaíochtaí nua.
Uniwersytet im. Adama Mickiewicza
Poznań, An Pholainn
Is in Ollscoil Adam Mickiewicz, atá ar cheann de na hollscoileanna is mó sa Pholainn, atá an Clár Iarchéime Staidéar Idirtheangeolaíochta{/ link1}, an t-aon chlár céime ollscoile ar domhan atá dírithe ar idirtheangeolaíocht agus esperanteolaíocht, agus mic léinn agus ollúna ó bhreis is 20 tír inti. Tá an clár mar chuid den Institiúid Teangeolaíochta i nDámh na Nuatheangacha agus na Litríochta {/ link3}.
Syddansk Universitet
Odense, An Danmhairg
Tá an Foras Teanga agus Cumarsáide (ISK) ina institiúid tras-teanga in Ollscoil Dheiscirt na Danmhairge (SDU). I gcomhar le APS GrammarSoft {/ link1}, forbraíonn rannóg VISL an ISK uirlisí agus acmhainní ardteicneolaíochta teanga, ar nós anailíseoirí teanga, córais aistriúcháin agus uirlisí {/ link2} chun gramadach a mhúineadh, chomh maith le {corpora / link3} mór anótáilte do go leor teangacha.
Jazykovedný ústav Ľudovíta Štúra
Bratislava, An tSlóvaic
Reáchtálann Roinn Corpus Náisiúnta na Slóvaice d'Institiúid Teangeolaíochta l. Štúr taighde i réimse na teangeolaíochta corpais. Díríonn an roinn ar thógáil acmhainní leictreonacha faoin tSlóvaicis - comhthreomhar, i scríbhinn, ó bhéal, corpora stairiúla agus eile. Bhí an SNK páirteach i dtionscadail idirnáisiúnta ar nós CESAR, slovake.eu, EuroMatrixPlus, NetWordS agus go leor eile.
Društvo za evropsko zavest
Maribor, An tSlóvéin
Tá sé mar aidhm ag an gcumann Slóivéanach Društvo za evropsko zavest feasacht Eorpach a fhorbairt agus tuiscint ar fhéiniúlacht Eorpach, agus a chur chun cinn i measc na saoránach AE, a neartú, i gcomhcheol le féiniúlachtaí náisiúnta agus réigiúnacha. Comhoibríonn DEZ le heagraíochtaí Eorpacha eile ar thionscadail a bhaineann le saoránacht agus féiniúlacht Eorpach, chomh maith le cur chun cinn na héagsúlachta teanga agus cultúir san Aontas Eorpach.
Rusų kultūros centras
Vilnius, An Liotuáin
Tá an RKC (Ionad Cultúrtha Rúisise) ina eagraíocht phoiblí a bunaíodh sa bhliain 1988 chun éagsúlacht náisiúnta na Liotuáine a chaomhnú agus comhphlé idir grúpaí eitneacha a spreagadh. Le breis is 20 bliain anuas tá sé rannpháirteach go gníomhach i dtionscadail chultúrtha agus oideachais éagsúla. D'eagraigh RKC ócáidí idirnáisiúnta, seimineáir agus ceardlanna cruthaitheacha a bhaineann leis an éagsúlacht chultúrtha.
Visetas, UAB
Kaunas, An Liotuáin
Tá Visetas ina chuideachta chomhtháite cumarsáide agus caidrimh phoiblí, agus taithí aige i gcumarsáid na hearnála B2B, agus i scaipeadh tionscadal agus tionscnamh neamhbhrabúis go háitiúil agus go hidirnáisiúnta. Tá sé ina bhall de TAAN Worldwide ( Líonra Gníomhaireachtaí Fógraíochta Transworld).
"Daoine atá ag obair le chéile go neamhspleách i dtreo cuspóra amháin, is uathu a thagann an obair foirne is fearr."